Lêl

Ap Silêman...
Ap Silêman şeştî û şeş serrî bî û pîyayêde zaf çetin bî. Derg bî, winî derg bî ke bejna dergê sey dare bîbî çewt, por ser a bîbî sipî, verê çiman de zî verçimikêde qalindî bî. Ap Silêmanî dewijanê xo ra zaf hes kerdêne labelê cirananê xo Xidirî ra pîtik bîyêne. Vîst û şeş serre ra zîyade yo ke înan yewbîn de têsere nêkerdêne. Kotî yewbînî bivînitêne ca de erzîyayêne yewbînî û yewbînî werdêne, qedenayêne.
Meselêda girane mîyanê înan de bîye coka her dîyan qet yewbînî ra hes nêkerdêne. Her di kî zerrîya xo kerdîbî Xezale labelê Xidirî bi zuran, bi hîle û fesadîye Xezale Silêmanî ra ver pî ra waştîbî û girewtîbî. Goreyê vatişê tayê dewijan zî xora Xezale bi xo Xidir girewtîbî. Êdî sebeb çi bo zî seba Ap Silêmanî manaya xo yewe bîye, nêvurîyayêne.